Giuseppe Gerbino: nota biografica

Giuseppe Gerbino, giovane poeta castellammarese, insegnante e nuova rivelazione nel campo della poesia dialettale. Scrive da quando era un bambino con una passione che col tempo lo ha portato a raggiungere ottimi risultati. Impulsivo, vulcanico; le sue opere sono state apprezzate e premiate in svariati concorsi e rassegne, infatti, ha conquistato in poco tempo un posto rilevante nel panorama letterario siciliano. Insegue un sogno e cioè quello di valorizzare e diffondere la cultura siciliana e presto pubblicherà la sua prima raccolta di poesie.

LU ME PAISI

Pusatu ‘n capu l’acqui cristallini
si trova stu paisi veru beddu,
li so’ paisaggi sunnu cartullini,
di la Sicilia è lu jardineddu.

Ci sunnu li varcuzzi a la marina
sagghiati a lu riddossu d’’u casteddu,
li viri riturnari a la matina,
chi portanu contenti ‘u pisciteddu.

Darrè, chi lu pruteggi la muntagna,
dunn’è c’’u suli fa la so affacciata,
li raggi nta lu mari ci l’abbagna,
quariannulu pi tutta la jurnata.

Appena chi lu suli si ritira,
canciannu lu so postu cu la luna,
finíu lu jornu e vinni arrè la sira,
ritrova paci ‘n cori ogni pirsuna.

Davanti a sti biddizzi restu mutu,
talíu stu quatru e ‘un sacciu chiu’ parrari,
ringraziu lu Signuri ogni minutu
chi sugnu figghiu di Casteddammari.


GIUSEPPE GERBINO
23/4/08
15:39