 |
 |
 |
| Mercoledì 13 Gennaio 2010 23:54 | ||||
Pagina 1 di 2 Francesco Leone: un uomo senza tempo Il 12 gennaio ricorre l'82° compleanno del presidente del Cenacolo.Il 2009 si è chiuso per Francesco Leone con due successi:
 La poesia è la seguente: DONAZIONI (’Na matri a lu figghiu mortu) Palori pisanti (aneurisma, coma) foru sparati, figghiu meu, a mia, to matri, quannu nguttumata vulavi a truvàriti ddà, dunni tu ’un era cchiù tu. Immòbili, occhi cusuti, màscara sfràvita ntra bianchi fantàsimi tu era, ’n-putiri di màchini ammàtula. La morti mi trasiu dintra lu cori… E chiù mortu di mia era to patri, quannu mi dissi cu frasi muzzicati chi prestu, amuri, ti nn’avìa a jiri. Poi sequitau : «Ricordi? “L’organi - nostru figghiu dicia - s’hannu a dunari…”» Dispirata, di no vulia gridari, ma calavi la testa a diri sì! Ciatu, li carni to’ foru spartuti comu si sparti l’ostia cunsacrata: di lu to corpu, foru dispinsati a cu’ n’avia bisognu li partìculi. Li sentu palpitari ’n-pettu a un nicuzzu chi passa cantannu, o prizziusi scintìllanu nall’occhi nnamurati di ’na picciotta ch’aspetta trimannu… Li giuvini chi ncontru, comu fussiru tu ’n cori li sentu, binirittu di Diu, chi mi nsignasti ’n amuri novu. Provu di paci un sintimentu granni e aspettu di rinasciri cu tia…
Francesco Leone (foto a destra) |
